Alþjóðleg Hundasýning HRFÍ

Tíkin okkar hún Háfjalla Askja tók þátt í Alþjóðlegri hundasýningu um helgina og fékk hún þar hreint út sagt frábæra dóma

Háfjalla Askja hlaut dóminn Excellent, 1.sæti, Meistaraefni, besta tík, íslenskt meistarastig, alþjóðlegt meistarastig (CASIB) og BOS

Háfjalla Askja er undan (Ablos De L'Echo De La Foret og Vallholts Grímu)

Hér að neðan eru útskýringar á hvað þessi dómur þýðir og eru þessar lýsingar fengnar af síðu hrfi.is

Vinnuhundaflokkur 

Besti rakki tegundar / besta tík tegundar

Allir hundar/tíkur sem hlotið hafa Meistaraefni keppa um sætaröðun 1-4 og titilinn Besti

rakki tegundar / Besta tík tegundar.

Besti hundur tegundar

Besti rakki tegundar og besta tík tegundar keppa um titlana Besti hundur tegundar (BOB)

og Besti hundur af gagnstæðu kyni (BOS). Dæmi fleiri en einn dómari viðkomandi

tegund, skal sýningarstjórn tilnefna annan þeirra til að velja BOB.

BOB keppir síðan um sætaröðun 1-4 í þeim tegundarhópi sem hundakynið tilheyrir.

Íslenskt meistarastig / meistaraefni: 

Veita má meistaraefni þeim Excellent hundum sem teljast framúrskarandi að gerð og eru

að öllu leyti rétt byggðir með tilliti til ræktunarmarkmiðs tegundarinnar. Meistarastig er síðan veitt þeim rakka / tík sem bestu sætaröðun hlýtur í keppni um besta

rakka og bestu tík tegundar, af þeim hundum sem koma til álita fyrir stigið og hafa áður

hlotið meistaraefni. Komi hundar í sætum 1-4 ekki til álita fyrir stigið, veitir dómari það

hundi úr hópi þeirra sem eftir standa með meistaraefni og til álita koma fyrir stigið.

Alþjóðlegt meistarastig (CACIB) 

Á alþjóðlegum sýningum keppa rakkar og tíkur um alþjóðlegt meistarastig (CACIB) og

vara-alþjóðlegt meistarastig (Res-CACIB), í keppni um besta rakka og bestu tík tegundar.

Dómarinn tilnefnir rakka og tík sem bestu sætaröðun hlýtur af þeim hundum sem til álita

koma fyrir stigið og sem hann telur af yfirburða gæðum, og fær sýnandi spjald undirritað

af dómara því til staðfestingar. FCI, Alþjóðasamtök hundaræktarfélaga, hafa endanlegt

ákvörðunarvald um veitingu stigsins. Einungis þeir hundar sem hlotið hafa Excellent

koma til greina fyrir CACIB. Hundur sem skráður er í ungliðaflokk eða öldungaflokk

kemur ekki til álita fyrir CACIB.

Veita má Res-CACIB þeim rakka / tík sem næst stendur í sætaröðun þeim sem fengið

hafa CACIB og til álita koma fyrir stigið.